Оста иртән үк эшкә кереште
Эш кораллары сагынган эшне:
Сөенде ышкы: ыш- ыш- ыш-ыш!
Шатланды пычкы:тыр- рый,тыр-рый!
Очынды чүкеч: шап-шап, шап-шап!
Талпынды балта: шалт-шалт, шалт-шалт!
Идәндәге чебеннәр
Парлашып биеделәр.
Бии торгач ардылар:
Йончыдылар,талдылар.
Әйләнделәр, борылдылар
Як якка күз салдылар:
Күрделәр үрмәкүчне
Хушларыннан яздылар.
Сазлыктагы бакалар
Бик иртә уяндылар.
Бата-калка, бата-калка
Битләрен дә юдылар.
Аннан ары зарядкага
Тезелешеп бастылар:
Уңга-сулга, уңга-сулга
Алга-артка, алга-артка
Утырдылар, тордылар.
Сузылып киерелделәр,
Дәрескә тотындылар.
Уң кул ягында-уң як,
Сул кул ягында-сул як.
Уң як, сул як, уң як, сул як,
Истә калсын ныгырак.
Санамышлар
Бер, ике, өч, дүрт, биш,
Алты, җиде, сигез, тугыз, ун.
Байлар кия кызыл тун.
Кызыл тунның бәясе-
Йөз дә кырык сигез сум.
Саесканның койрыгы
Саный китсәң- унике,
Сыңар аяк, сыңар чык,
Син калып тор, ә син чык!
Елгада бар бер басма:
Син анда ялгыш басма.
Әгәр бассаң китереп,
Кырыйга чык сикереп.
Гөр-гөр гөлдер бу,
Гөрләр күгәрчендер бу.
Карыйк-карыйк каргалар,
Шыгырдаган арбалар.
Торыйк-торыйк торналар,
Тау башында юргалар.
Чут-чут сандугач,
Тәрәзәдә карлыгач.
Чырык-чырык куар чыпчык
Тәрәзәдән очып чык!
Уннан уймак,
Табада коймак,
Мичтә бәлеш,
Ал да ябыш.
Бәләкәй үрдәк,
Чум да чык!
