|
|
Главная » 2011 » Ноябрь » 25 » Татарстан Хөкүмәтенең 71нче законы
17:43 Татарстан Хөкүмәтенең 71нче законы |
 Авыл баласы яхшы хәтерлидер – безгә кичке 10нан соң урамда, клубта, кыскасы, җәмәгать урыннарында йөрергә ярамый иде. Моңа кадәр нигездә авыл җирендә кулланылган бу тәртип Татарстан Хөкүмәтенең 71нче законы белән республика күләмендә гамәлгә кертелде.
Әлеге закон балигъ булмаган (ягъни 18 яше тулмаган) балаларга кышкы чорда кичке 10нан иртәнге 6га кадәр, җәйге чорда 11дән 6га кадәр әти-әниләреннән яисә аларны алыштырырлык кешеләрдән башка җәмәгать урыннарында йөрү рөхсәт ителми.
«ТРның Административ хокук бозулар турындагы кодексына үзгәрешләр кертү турында»гы 65нче законда бу төр закон бозуга карата берничә чара каралган. Беренче мәртәбә ата-аналарга бары тик кисәтү генә ясала. Икенче мәртәбәсендә алар 500 сумнан 1000 сумга кадәр штрафка җәлеп ителә. Икенче мәртәбә эләккән очракта, штраф күләме 2000 сумга җитәргә мөмкин.
Әти-әниләр шуны онытмасыннар: бала 18 яшькә җиткәнче аның өчен закон каршында без – өлкәннәр җавап бирәбез. |
|
Просмотров: 1201 |
Добавил: Гуляндам
| Рейтинг: 0.0/0 |
|
Безнең адрес:
ТР Сарман районы
Илексаз авылы
Мэктэп урамы
6 нчы йорт
е-маел: ilsosh@yandex.ru
Статистика
Онлайн всего: 1 Гостей: 1 Пользователей: 0
|
| | |
