Татар мәктәпләренең ХI сыйныфларында татар теле һәм әдәбиятыннан
чыгарылыш имтиханы өчен материал 20 комплектка тупланып бирелде. Язма
эшне башкару өчен 6 астрономик сәгать билгеләнде. Һәр комплектка, аерым
номер куелып, 7 шәр тема тәкъдим ителә. Имтихан материалы татар теле
һәм әдәбиятыннан гомуми белем бирү эчтәлегенең мәҗбүри минимумына туры
китереп эшләнелде. Укучыларның борынгы әдәбият, ХIХ гасыр, XX йөз башы,
совет чоры һәм хәзерге заман әдәбиятыннан белемнәре тикшерелә, шул
сәбәпле һәр комплектка шушы юнәлештәге темалар сайланды.
Сочинение яздыру методикасы татар мәктәпләренең Х-ХI сыйныфлары өчен
татар теле дәреслекләрендә һәм татар мәктәпләренең V–ХI сыйныфлары өчен
татар теле программаларында бирелгән.
|